اللہ کے نام سے جو رحمان و رحیم ہے بِسْمِ ٱللَّهِ ٱلرَّحْمَٰنِ ٱلرَّحِيمِ
جب سورج لپیٹ دیا جائے گا إِذَا ٱلشَّمْسُ كُوِّرَتْ۝۱
اور جب تارے بکھر جائیں گے وَإِذَا ٱلنُّجُومُ ٱنكَدَرَتْ ۝۲
اور جب پہاڑ چلائے جائیں گے وَإِذَا ٱلْجِبَالُ سُيِّرَتْ ۝۳
اور جب دس مہینے کی حاملہ اونٹنیاں اپنے حال پر چھوڑ دی جائیں گی وَإِذَا ٱلْعِشَارُ عُطِّلَتْ ۝۴
اور جب جنگلی جانور سمیٹ کر اکٹھے کر دیے جائیں گے وَإِذَا ٱلْوُحُوشُ حُشِرَتْ ۝۵
اور جب سمندر بھڑکا دیے جائیں گے وَإِذَا ٱلْبِحَارُ سُجِّرَتْ ۝۶
اور جب جانیں (جسموں سے) جوڑ دی جائیں گی وَإِذَا ٱلنُّفُوسُ زُوِّجَتْ ۝۷
اور جب زندہ گاڑی ہوئی لڑکی سے پوچھا جائے گا وَإِذَا ٱلْمَوْءُۥدَةُ سُئِلَتْ ۝۸
کہ وہ کس قصور میں ماری گئی؟ بِأَىِّ ذَنۢبٍ قُتِلَتْ ۝۹
اور جب اعمال نامے کھولے جائیں گے وَإِذَا ٱلصُّحُفُ نُشِرَتْ ۝۱۰
اور جب آسمان کا پردہ ہٹا دیا جائے گا وَإِذَا ٱلسَّمَآءُ كُشِطَتْ ۝۱۱
اور جب جہنم دہکائی جائے گی وَإِذَا ٱلْجَحِيمُ سُعِّرَتْ ۝۱۲
اور جب جنت قریب لے آئی جائے گی وَإِذَا ٱلْجَنَّةُ أُزْلِفَتْ ۝۱۳
اُس وقت ہر شخص کو معلوم ہو جائے گا کہ وہ کیا لے کر آیا ہے عَلِمَتْ نَفْسٌ مَّآ أَحْضَرَتْ ۝۱۴
پس نہیں، میں قسم کھاتا ہوں فَلَآ أُقْسِمُ بِٱلْخُنَّسِ ۝۱۵
پلٹنے اور چھپ جانے والے تاروں کی ٱلْجَوَارِ ٱلْكُنَّسِ ۝۱۶
اور رات کی جبکہ وہ رخصت ہوئی وَٱلَّيْلِ إِذَا عَسْعَسَ ۝۱۷
اور صبح کی جبکہ اس نے سانس لیا وَٱلصُّبْحِ إِذَا تَنَفَّسَ ۝۱۸
یہ فی الواقع ایک بزرگ پیغام بر کا قول ہے إِنَّهُۥ لَقَوْلُ رَسُولٍ كَرِيمٍ ۝۱۹
جو بڑی توانائی رکھتا ہے، عرش والے کے ہاں بلند مرتبہ ہے ذِى قُوَّةٍ عِندَ ذِى ٱلْعَرْشِ مَكِينٍ ۝۲۰
وہاں اُس کا حکم مانا جاتا ہے، وہ با اعتماد ہے مُّطَاعٍ ثَمَّ أَمِينٍ ۝۲۱
اور (اے اہل مکہ) تمہارا رفیق مجنون نہیں ہے وَمَا صَاحِبُكُم بِمَجْنُونٍ ۝۲۲
اُس نے اُس پیغام بر کو روشن افق پر دیکھا ہے وَلَقَدْ رَءَاهُ بِٱلْأُفُقِ ٱلْمُبِينِ ۝۲۳
اور وہ غیب (کے اِس علم کو لوگوں تک پہنچانے) کے معاملے میں بخیل نہیں ہے وَمَا هُوَ عَلَى ٱلْغَيْبِ بِضَنِينٍ ۝۲۴
اور یہ کسی شیطان مردود کا قول نہیں ہے وَمَا هُوَ بِقَوْلِ شَيْطَٰنٍ رَّجِيمٍ ۝۲۵
پھر تم لوگ کدھر چلے جا رہے ہو؟ فَأَيْنَ تَذْهَبُونَ ۝۲۶
یہ تو سارے جہان والوں کے لیے ایک نصیحت ہے إِنْ هُوَ إِلَّا ذِكْرٌ لِّلْعَٰلَمِينَ ۝۲۷
تم میں سے ہر اُس شخص کے لیے جو راہ راست پر چلنا چاہتا ہو لِمَن شَآءَ مِنكُمْ أَن يَسْتَقِيمَ ۝۲۸
اور تمہارے چاہنے سے کچھ نہیں ہوتا جب تک اللہ رب العالمین نہ چاہے وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلْعَٰلَمِينَ ۝۲۹